Novenna to Blessed Peter ToRot - Day 7
Singsing: Pita ToRot
Pre long Blessed Pita ToRot
Rit: Mt 10:28-33.
Hettok: Yumi mas stap long lain bilong Jisas
“Yupela i noken prêt long ol man i save kilim i dai bodi, tasol ol i no inap long kilim spirit bilong yupela. Nogat. Yupela i mas prêt long God tasol. Em i inap long bagarapim spirit na bodi long hel. Yupela i save ol man i baim tupela liklik pisin long wan Toea tasol. Na Papa bilong yupela i save lukautim gut ol dispela pisin. Sapos em i no laik, bai i no gat wanpela bilong ol i pundaun long graun. Na tu em i save gut tru long yupela. Olsem na yupela i noken prêt. Yupela i winim planti liklik pisin.
Jisas i tok moa olsem, “Husait i save tokim ol manmeri olsem em i stap long lain bilong mi, mi tu bai tokim Papa bilong mi long heven olsem dispela man i bilong mi. Tasol husait i tokim ol manmeri olsem em i no man bilong lain bilong mi, mi tu bai mi tokim Papa bilong mi long heven olsem dispela man em i no bilong mi.”
Dispela em i tok bilong God. Yumi tenkim God.
Bekim: God, mi ran i kam long yu, yu save was long mi.
Pre: Bel bilong mi i stap isi insait long mi. Na bodi bilong mi tu i no save prêt liklik. Long wanem, Bikpela, yu no inap long larim mi i stap long ples bilong ol manmeri i dai pinis. Na yu no ken larim pren bilong mi i sting long matmat.
Bekim.
Pre: Bai yu soim rot bilong laip long mi. Mi stap klostu long yu na mi pulap long amamas. Mi sanap long raithan bilong yu. Na mi amamas oltaim.
Bekim.
Pre bilong ol pipel (nau ol pipel i autim ol petition bilong ol.)
Singsing:
Namba 2 hap korona: Jisas i go long heven.
Tingting i go pas: Jisas i go long heven bai i amamas wantaim Papa bilong em. Wok bilong em hia long graun i pinis, tasol tingting bilong em i stap wantaim yumi yet. Em i go bilong redim ples bilong yumi long heven. Em i tok, “Bai mi stap wantaim yupela olgeta de inap long dispela taim i pinis.”
Jisas i stap wantaim yumi long ol sacramen na i strongim yumi long tok bilong em na long bodi na blut bilong em.
Singsing:
—————